نصائح تجعل زوجك مثل الخاتم بأصبعك

نصائح تجعل زوجك مثل الخاتم بأصبعك



1-اول ليله زواج وريه العين الحمره خليه يسكنك في افخم اوتيل وأطلبي كل الاكل حتى

لو ما اكلتي بس لعانه من اول يوم خسريه طبعا بيقولك انتي تامرين امر وهو وده يذبحك

2-نصيحه لاتستحين ترى الحياء ما منه فايده بعدين يصير يستقوي عليك ..اذا قال كلمه ردي عليه بعشره

3- اذا سافرتي إشتري هدايا لأهلك كلهم فردا فردا لا تنسين أحد وقولي هذا عاده عندنا

خليه يعرف انك بنت عز (ولو إنك بنت فقر )

4-خليه يجيب لك شغاله وسواق ولا تبينه يخليك تنفخين فهالبيت ؟؟ بعدين روحي للسوق وتسوقي لين تقولين بس ..

5- فاتورة جوالك اذا كان عندك جوال سابقا حولي البريد عليه وسعي صدرك كلمي كل اللي تبين

حتى لو اهلك اول شارطين عليك شروط إن الفاتوره ما تتعدى سعر معين انت ما عليك منه خلي الفاتوره تصك الاف.

6- تدلعي عليه وقولي انا ما اعرف اطبخ تبي تاكل خلي الشغاله تطبخ أو جب أكل من مطعم .

وتدرين وش اخرتها ( بيتزوج الشغاله )

7-اعزمي صديقاتك واهلك عندك دائما ومدي لهم سفره من هنا لهناك وعلى حسابه .. لاترحمينه ابدا ترى الدلع ما ينفع

8- خليه يفتح لك حساب في البنك ويحط مصروف شهري خاص فيك ما تصرفين الا على نفسك

المصروف لايقل عن 3000الاف ر يال حتى لو كنتي موظفه ...وسعي صدرك الدنيا فانيه وانا اختك ..

9- دائما ألفي عليه كلام وقولي فلانه ماشاء الله على زوجها توه جايب لها ساعه الماس تجنن

وعلانه جايب لها طقم وانا بعد ابي مثلهم ..

10- كل صيفيه خليه يسفرك قولي انا متعوده اسافر حتى لو ما قد سافرت ..

و ترى العود من اول ركزه وانا اختك ..


11-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن

انه يكون يوم الخميس والسهر لين وحده بالليل بس ..

12-ازعلي وقبي عليه اذا ما نفذ لك طلب ودموع التماسيح الله الله فيها تراها تفيد احياناً..

13- لاقد تمدحين وحده عنده بيصير يسالك عنها واذا قالك وشلون فلانه قولي مو شغلك

وحطي اصابعك في عيونه تعرفين الرجال ما ينعطون وجه ..

ملاحظــــــــــــــــــــــــه :


لاتبلشيني اذا تطلقتي وتقولين اناالسبب لا يا اختي شوفي انت وش مسويه .